Fyrirspurn til Seðlabanka

Til þess er málið varðar,

Ég bý og starfa erlendis en hef íslenska viðskiptavini sem greiða mér reikninga í EUR inn á þýskan bankareikning í gegn um SWIFT. Millifærslur hafa undantekningarlaust tekið 5 virka daga á meðan reglur um greiðslur innan SEPA taka það skýrt fram að greiðsla skuli berast á reikning innan tímamarka, sem er næsti bankadagur í landi viðtakanda. Viðskiptin eiga sér öll uppruna hjá viðskiptavinum Arion-banka.

Nú eru allar upplýsingar sem ég finn um greiðslur í EUR milli SEPA-landa mjög skýrar varðandi það að greiðslur skuli berast viðskiptabanka viðtakanda eigi síðar en næsta bankadag svo lengi sem greiðslan er í EUR. — Ég veit ekki betur en að ESB-reglugerð nr. 260/2012, sem og tengt regluverk varðandi SEPA hafi tekið gildi á Íslandi.

Tek það fram að minn þýski viðskiptabanki (N26 Bank) segist ekki tefja greiðslur mv. mín samskipti við hann og að greiðslubunkar séu afgreiddir inn á reikninga viðskiptavina á tveggja klukkustunda fresti frá 8 að morgni.

Varðandi þær tafir sem ég hef orðið fyrir hef ég eftirfarandi spurningar:

1. Er banka á Íslandi heimilt að hafa gildisdagsetningu millifærslu aðra en þá dagsetningu sem farið er fram á millifærsluna, svo lengi sem það er gert vel innan bankadags?

2. Enn fremur, getur banki reglum samkvæmt boðið gjaldeyri til sölu í bankaútibúi á seðlagengi án tafar, en samt sem áður tafið rafrænar greiðslur um einn bankadag?

3. Fara íslenskir bankar ekki eftir þessari reglugerð og ef svo er, hvers vegna?

4. Hvenær er áætlað að teknar verði upp greiðslur í EUR skv. SCT Inst?

5. Eru þekktir flöskuhálsar á leiðinni frá íslenskum viðskiptabönkum til banka í öðrum SEPA-löndum á borð við Þýskaland? Ef svo er, er hægt að benda mér á þá?