打工每月有4/5 萬人工。收入較穩定，工時較穩定。少些煩心，憂心事。
-
我其中一個最大價值在於靈活性，自覺是複合型人才，會走位，有權變。打工講專才。做工程師，很多時就只有寫 code. 商務人就要吹水交際去 conf，不同社交場合。好少見到複合型人才，可在工作崗位允許隨機應變，隨所遇而施之。要到這境界，要遇到好老闆，並且他相信你。今時今日，難。
-
唔想被蠢過自己的上司指東指西，執行一些無聊頂透的指令。也不想和只拿薪金，無擔當的人一起工作。職場上遇到他們，如在打工，我只能消極避開。自己開公司，可選擇和一流的人才工作。
-
唔想俾人用 4/5萬月薪豢養起來。唔通我就係咁要安全感？就咁唔敢冒險？不時想起秦末起義，聯軍在黃河一邊，無人敢進攻秦國。項羽等到不耐煩，終於等了47天，見自己上司也無意進攻，早上起來進營中殺了上司宋義，奪兵權，然後帶領楚軍，破釜沉舟，只帶三天糧食過河，與秦軍決一死戰。然後楚軍以一當十。最後楚軍大敗秦軍，史稱 鉅鹿之戰。當其時，其他諸侯還只敢作壁上觀，不敢參與其中。遙想當年項羽真英雄也。說到㡳，我還想用自己雙手打出一片天。
而我想，項羽破釜沉舟時，可能也有戰死嘅覺悟。出來創業，也要有會輸，會死嘅覺悟。
-
創業唔應該諗點樣賺大錢，變億萬富翁。能成這樣的，真有幾個？更多是換來許多提心吊膽的日子罷了。應該問，過程嗎，體現了你嘅價值嗎？建立了你希望建立的東西嗎？
-
創業要諗點樣賺大錢。一，為自己。打工會穩定，但唔會賺大錢。公司經營得好，再加資本市場操作，是有可能賺大錢，即使機率只有 1%。二，只有有錢，有資源後，你才可聘一流的人才，做更多的事情。這麼多優秀工程師爭相入 Google / Fb，就是因為公司有錢，能出一流嘅薪水；能支持更多 R&D 工作；能更有耐性 "守" 着一些要燒錢嘅項目。越宏大嘅目標理想，越需要後面有錢及其他資源作燃料來支橕。試吓建立一間公司，先以 100 人做目標，業務可覆蓋大中華。然後可拓展至東南亞。最後會上市嘅。
-
我可以直接影響決定公司文化。以前覺得點解公司可以有咁膠嘅 policy。現在我唔好做。點解咁唔能夠信任同事，吓吓要 monitor? 我想建立一間咁嘅公司 - 以前成日諗，點解公司唔能夠知人善任？唔能夠發揮公司同事嘅自主性？員工都只是聽命嘅手，唔能夠也用他們嘅腦出謀策劃？希望建立一間能讓同事投入，既用他們嘅手，也用他們嘅心，並可自發工作嘅公司。
- 可以讓員工自我管理。給予員工權力在其崗位隨機應變，作對公司最好的決定。
- 鼓勵持續學習成長。敢於創新嘗試，敢於實驗。
- 每位員工都追求卓越，都敢在自己工作旁邊簽下自己大名，向世人說，這是我手所作嘅工作。
-
如果公司賺唔到錢，以上所有嘢，乜都唔洗講。