lo mi ctino (CLL)

lo mi ctino
.i finti fa la'o cy. Robert Louis Stevenson .cy
.i fanva fa la keidji
.i lo lisri cu xabju zoi .url. http://www.poetryfoundation.org/poem/171951 .url.
.i ki'e doi la durka42 .e la tsani

ni'o lo mi cmalu ctino cu kansa mi
.i lo du'u ma kau te pilno cu na se djuno mi
.i cy mutce mutce co simsa mi tu'a lo jbini be lo stedu bei lo jamfu
.i pu tu'a mi lo nu cy plipe fi lo ckana cu se viska mi

ni'o lo nu cy banro cu traji lo ka cizra
.i lo go'i cu drata lo verba fadni lo ka masno
.i ru'i nai ku cy sutra co banro lo ka rajycla
.i je ru'i nai ku lo ni cy cmalu cu banzuni lo nu cy na zasti

ni'o cy na djuno lo du'u ri'a ma kau lo verba cu kelci
.i je kakne lo po'o ka gasnu lo nu mi bebybi'o lo ro mei
.i cy ru'i jibni mi .i ku'i nai tolvri pe'i
.i lo nu mi jibni lo mamta cu dunli lo nu cy jibni mi ku lo ka to'e jgira ce'u

ni'o ca lo pa cerni noi mutce clira zi'e ne pu lo solnuntolcanci
mi ckali'a gi'e tolcri lo gusminra ctejau noi bartu lo matnyxrula
.i ku'i lo mi lazni ke cmalu ctino tai lo sipydji se stedu mulno
cu stali lo zdani .i je condi lo ka sipna