[lojbanro](xorlo + selpa'i connectives + tu'a->tau + cmevla/brivla merger + sorni + backi)

lo mi ctino

lo mi ctino
.i finti fa la'o cy. Robert Louis Stevenson .cy
.i fanva fa la keidji
.i lo lisri cu xabju zoi .url. http://www.poetryfoundation.org/poem/171951 .url.
.i ki'e doi la durka42 je la tsani
sorni -> http://jbovlaste.lojban.org/dict/sorni
backi -> http://jbovlaste.lojban.org/dict/backi
 
ni'o lo mi cmalu ctino cu kansa mi
.i lo du ma kau te pilno cu na se djuno mi
.i cy mutce mutce co simsa mi tau lo jbini be lo stedu bei lo jamfu
.i pu tau mi lo nu cy plipe fi lo ckana cu se viska mi
 
ni'o lo nu cy banro cu traji lo ka cizra
.i lo go'i cu drata lo verba fadni lo ka masno
.i ru'i nai ku cy sutra co banro lo ka rajycla
.i je ru'i nai ku lo ka cmalu cu sorni cy lo ka na zasti
 
ni'o cy na djuno lo du ri'a ma kau lo verba cu kelci
.i je kakne lo po'o ka gasnu lo nu mi bebybi'o lo ro mei
.i cy ru'i jibni mi .i ku'i nai tolvri pe'i
.i lo nu mi jibni lo mamta cu dunli lo nu cy jibni mi ku lo ka to'e jgira ce'u
 
ni'o ca lo pa cerni noi mutce clira je ne pu lo solnuntolcanci
mi ckali'a je cu zvafa'i lo gusminra ctejau noi bartu lo matnyxrula
.i ku'i lo mi lazni ke cmalu ctino tai lo sipydji se stedu backi
cu stali lo zdani .i je condi lo ka sipna