lo nu tumfakli'u (CLL)

     ni'o la .dantais. cu zutse ne'i lo kumfa barda .i lo zdiku'a cu melbi gi'e se kufra

yyyyyyyyyyyy

     ni'o lo nanmu cu nerkla lo zdiku'a .i lo nanmu cu dasni lo litcreka jo'u lo galmapku jo'u lo srulacni .i ge lo nanmu cu claselxadni gi blabi .i ge planymli gi cisma ganra
     ni'o lu coi .io la .dantais. .i mi ckire do lo nu klama .i .e'o ko surgau .i mi jinvi lo du'u do djica lo ka jimpe lo du'u ma kau krinu lo nu do zvati ca vi li'u se cusku lo nanmu .i la .dantais. cu sedmu'utu'i .i lo nanmu cu cisma gi'e sanli .i lu .i mi'e .tytysos. .i mi ba pleji fo lo nu tumfakli'u pe do li'u se cusku lo nanmu
     ni'o la .dantais. sukyva'u .i je plipe fi lo stizu .i lu xu jetnu li'u dy. se cusku
     ni'o lo la .tytysos. cismyseltai cu zenba lo ka ganra .i lu go'i doi .io la .dantais. .i me lo ro nu tumfakli'u .i me lo ro se nitcu be do li'u
     ni'o lu ki'ecai doi .io la .tytysos. sei dy. lausku .i ki'e .i je ki'e .i mi na djuno lo du'u cusku ma kau li'u .i dy. denpa je pensi ze'i .i lu .i ko denpa .i ma mukti fi do li'u se retsku la .dantais. la .tytysos.
     ni'o la .tytysos. cmila milxe .i lu .i lo do nu tumfakli'u cu ba nandu .i ku'i ri ba sabji so'i da li'u .i ty. ravzutse fi dy. .i lu .i lo ro moi nu tumfakli'u cu pu se jalge lo nu facki fi lo zbaske banli jo'u lo kolme .i je lo nu go'i cu pu rinka lo nu zbasu lo ma'a tcadu banli po'u la .ioran. .i a'o mi djica lo nu ba facki fi da poi simsa li'u la .tytysos. se cusku .i ty sa'orgaucra gi'e cpacu lo zbibu'u lo ty. daski .i lu .i mi djica lo nu facki fi lo dunli be ti li'u se cusku ty .i ty tolkucysimgau tu'a lo zbibu'u gi'e jarco tu'a re lo cmalu krili .i lo krili cu skari lo vrici .i je mircai lo gusni kandi
     ni'o lu .i ti mo li'u se retsku la .dantais. .i je caicta lo krili
     ni'o lu .i tolsimsa ro se jimpe be ma'a .i ti majycizra .i ti galfi ro da poi mixre .i mi jarco fi do sei ty. cusku li'u .i la .tytysos. cu sanlybi'o gi'e cpacu re lo dakli cmalu lo tanxe noi selja'i .i fau lo nu ty. se degja'o pa lo dakli kei ty. cusku lu .i ti spojypu'o .i lo drata cu mixre lo spojypu'o jo'u lo majycizra .i ko zgana li'u .i ty. dzukla lo fagzda .i lu .i me lo spojypu'o li'u se cusku la .tytysos. ca lo nu ty. renro lo cmalu klani xekri purmo ku fa'a lo fagri .i sa'ei .puf. lo fagyka'u jo'u lo cmalu danmo cu plipe fi lo fagzda .i ty. denpa lo nu lo danmo cu canci .i lu .i je me lo spojypu'o ba'e jo'u lo majycizra li'u .i la .tytysos. cu renro lo cmalu klani xekri je zirpu purmo ku fa'a lo fagri .i ba'e sa'ei .bum. lo blanu je zirpu fagri cu spoja ra'i lo fagzda .i je muljbi lo ka sruri la .tytysos.
     ni'o lu .uesai .i xu do kanro li'u se lausku la .dantais. .i je bajykla la .tytysos.
     ni'o la .tytysos. cmila milxe gi'e kafke .i lu .i kanro sei ty. cusku be fau lo nu ty. maxydzu lo buklolgai lo jamfu lo blanu fagri cmalu li'u .i ty. rajgau lo litcreka .i gi'esku lu .i lo majycizra cu kakne mutce zmadu .i mi'o sispe'i lo majycizra bu'u lo kevna noi tolspoja .i mi jinvi lo du'u lo majycizra cu zmadu fi lo ka zvati loi kevna kei ku li so'i .i mi djica tu'a my. .i lo ko nu tumfakli'u cu ba se jalge lo nu facki fi my. .i .a'o xu xamgu li'u .i ty. carselfa'a la .dantais. ku gi'e galgau lo kalmebykre
     ni'o la .dantais. cu sedmu'utu'i .i gi'esku lu .y. .i go'i li'u
     ni'o la .tytysos. cu cisma .i lu xautce .i mi pu bregau so'e lo se nitcu pe do ku lo nu tumfakli'u .i mi pu bregau lo jacfebvycna jo'u lo jacfebvykarce jo'u lo certu jo'u zo'e .i xu do bredi doi .io la .dantais. li'u

     ni'o
     ni'o la .dantais. jo'u la .tytysos. cu cadzu ne'a lo rirxe ca lo solnuncanci
     ni'o lu .i xu do ba pensi ro da sei la .tytysos. cusku .i xu te vecnu lo do kumyzda .i je xu custolrinsa lo do pendo .i je xu go'i lo do patfu li'u
     ni'o lu .i go'i i. je go'e .i je .y su .i mi ba'e bredi li'u se cusku la .dantais.
     ni'o lu .i xautce sei ty. cusku .i nau temci lo nu ko penmi lo do kamxada be fi lo ka tumfakli'u li'u
     ni'o dy. jo'u ty. cu nerkla lo selsrustu pe ty. .i so'a lo prenu cu gunka lo nu bregau lo selsabji
     ni'o lo jacfebvypremi'i cu pamoi lo se viska be la .dantais. .i jy. brarai ro jacfebvypremi'i poi dy. pu viska .i jy. se sraku gi'e se caxyke'a .i lo jacfebmatra noi kafke lo jacygapci cu jorne lo cutyti'e pe lo jacfebvypremi'i
     ni'o lo premi'i cu kansa lo nanmu barda lo nu bevri lo selsabji .i lo nanmu cu dasni lo creka mapni .e lo palku de'emni .i lo jinme greku cu sarji lo tuple jo'u lo tupyjanco pe lo nanmu
     ni'o ty. jo'u dy. backla lo nanmu .e lo jacfebvypremi'i .i je klama pa lo jacfebvykarce noi ci lo prenu cu jmaji .i lo prenu cu galcatlu ty. jo'u dy. .i je lo prenu cu preja .i lo prenu cu rinsa la .tytysos. gi'e carselfa'a la .dantais.
     ni'o lu .i doi .io la .dantais. sei la .tytysos. cusku je sedmu'u be fa'a lo ninmu noi cmima lo prenu se'u ti me la .io .mazytis. .i sazykarcyja'a gi'e gidva li'u
     ni'o le ninmu cu krosa'i fa'a la .dantais. .i lo ninmu cu claselxadni .i ponse lo kanla noi bunre .i je ponse lo kerfa noi xekri .i lo ninmu cu dasni lo badlacni poi zilzba so'i lo lenjo .i lo ninmu cu krorinsa la .dantais. .i je cisma .i lu coi .io la .dantais. .i je lo nu mi'o penmi cu pluka mi .i ma'a klama la tcadu tolmorji ku ba za ku li'u se cusku la .mazytis.
     ni'o lu .i .ua xautce .i ki'e doi .io la .mazytis. .i je za'u mai ti me .io la .noram. sei ty. cusku ca lo nu desygau lo xance pe lo drata .i tu'a ri do'o bandu li'u
     ni'o la .noram. nanmu je na'orselxadni je blabi .i lo prityflira je lo pritybirka vu'o pe ny. cu jadni lo pansarlynensro jo'u lo seldenxi'u jo'u lo ca'erslanu .i lo clacelxa'i julmi'i cu dandu lo cutyti'e pe ny. .i lo nanmu cu dasni lo galmapku noi dandu lo badlacni
     ni'o la .dantais. galgau lo kalmebykre .i lu .i xu do pulji li'u dy. se retsku ny.
     ni'o lu .i go'i .i je'u pu ku .i mi pu'o klama la bartu tumla .i ku'i .io la .tytysos. cu pu ternoi lo nu tumfakli'u li'u
     ni'o lu .ua sei la .dantais. cusku .i xu do nitcu lo ka ponse lo xarci vau .uinai li'u
     ni'o la .noram. cmila milxe .i lu go'i .i xu do na'e jimpe da poi zvati ni'a la .ioran. .i .uasai je'u do na djuno li'u .i ny. sedmu'utoltu'i gi'e catlu la .tytysos.
     ni'o lu .i do'o jimpe tu'a lo ckape sei ty. cusku .i .io la .dantais. pu stidi lo nu tumfakli'u .i mi birti lo du'u .io dy. bredi li'u .i ty. cadzu fa'a lo ro moi prenu .i lu doi .io la .dantais. do xa'o djuno la .eren. sei ty. fi dy. cusku .i tavla ba za ku li'u .i la .tytysos. sa'orgau lo ri galmapku fa'a lo ninmu torselxadni xunkerfa
     ni'o lu .i je'e li'u se cusku dy. .i je xansli fa'a lo ninmu
     ni'o la .tytysos. jo'u la .dantais. cadzu fa'a lo trixe be lo karcyli'i .i ty. jo'u dy. sticadzu ne'a lo nanmu noi cinlyxadni yyyy
     ni'o la .tytysos. cusku lu .i je me .io la .djanis. .i jukpa li'u
     ni'o lu .ua .i xu co'e lo jukpa .i xu mi'a nitcu tu'a lo jukpa sei la .dantais. cusku .y .i .io .u'u na tolsinma doi .io la .djanis.

yyy

     ni'o ty. jo'u dy. klama lo nanmu .e lo jacfebvypremi'i vu'o noi bevri lo selsabji .i la .tytysos. sa'orgau lo galmapku ca lo nu jbibi'o
     ni'o lu .i doi .io la .dantais. ti me .io la balge'u ku sei ty. fa'a lo nanmu ku xansli .i je ti me .io la .sisiros. sei la .tytysos. cusku li'u
     ni'o 

yyyyyyyyyyyy

     ni'o lu doi la .sisiros. li'u se cusku la .dantais.
     ni'o lo xadni jo'u lo stedu vu'o pe la .sisiros. carselfa'a la .dantais. fi'o sance lo vrumli .i lu .i doi ba'e .io la .sisiros. li'u cladu se cusku lo barda jacfebvypremi'i
     ni'o la .dantais. cmalu plipe co se spaji .i lu .y .i .ua je'e .i .y doi .io la .sisiros. li'u se bacru dy.
     ni'o lu mo li'u se skuspu la .sisiros.
     ni'o lu .y .i do se zbasu ca ma li'u
     ni'o lu .i pu zu lo nanca be li ci .i do se jbena ca ma li'u
     ni'o lu .y .i pu zu lo nanca be li remu li'u se cusku la .dantais. noi se mlifanza
     ni'o lu doi la .sisiros. sei la balge'u ku vlasfa ko xendo .i doi .io la .dantais. .u'i sy. na batci .i ku'i nu'o darxi vau zo'o .i sy. po'o djica lo nu dunli fi lo ka prenu

yyyyyyyyyy

     ni'o lu .i xu do pu pendo la .eren.