Grænmetisfæði hjá Icelandair

veg.txt

Hæ @icelandair

Þetta er smá svar við þessu:

Icelandair ‏@Icelandair  7h7 hours ago
@pallih Já akkúrat, Kjúklingurinn kemur sér og ef þú biður um Vegan valkostinn þá færðu salatið án kjúklings.

Sem má finna hér: https://twitter.com/Icelandair/status/732039176783331328

Ég hefði náttúrulega átt að sjá að undir stóru fyrirsögninni "Chicken pasta salad" stæði "also available as a vegan option", en ég var þreyttur og slæptur.

Þannig að fyrsta ábending mín til ykkar er: Auðkennið þennan grænmetisrétt betur á matseðlinum, það er að segja ef þið viljið ekki bara fara eftir seinni ábendingunni:

Sumar grænmetisætur, eins og ég, vilja ekki kaupa kjöt. Það er vegna þess að mér finnst öll dráp vera ógeðsleg og ég vil ekki stuðla að því með því að kaupa kjötvörur. Ef ég kaupi pasta sallat sem er með kjúklingi til hliðar, þá er ég ekki að gera neitt til þess að útrýma þessum ógeðslega sið. Þannig að jafnvel þó ég hefði áttað mig á því að ég gæti keypt af ykkur pasta sallat og bara hent kjúklingnum, þá hefði ég ekki gert það.

Ég tók eftir því að þið hafið aðeins fetað ykkur inn á þá braut að fá farþega ykkar til þess að hugsa um umhverfið. Ein skjámynd í upplýsingakerfinu ykkar vísar til þess að gott sé að endurnýta kaffibollann. Ég þarf væntanlega ekki að segja ykkur að fyrir flugfélag getur verið erfitt að virðast umhverfisvæn, því flugsamgöngur menga jú meira en flest annað í heiminum. En gott hjá ykkur að hefja þá umræðu.

Nú er það þannig að kjötframleiðsla er líka sérstaklega mengandi fyrir umhverfi jarðarinnar. Þannig að hér er hugmynd:

Í stað þess að normið sé að allt sé með kjöti, þá hafiði normið að allt sé kjötlaust. 

Það er betra fyrir umhverfið og þið getið þannig farið aðeins lengra á þeirri hálu braut að vera umhverfisvænt flugfélag.

Ég er til í að veðja átján rækjusamlokum um að það yrði ykkur til framdráttar og viðtökurnar yrðu jákvæðar. Það er nefnilega held ég ekki fasti í tilverunni að allir flugfarþegar vilji brauðsneið með skinku.

Ég er viss um að Samtök grænmetisæta á Íslandi væru til í að aðstoða ykkur við að búa til girnilegan matseðil sem öllum getur líkað við (http://www.graenmetisaetur.is/)

Annars þakka ég fyrir samtalið og óska ykkur velfarnaðar.

ph